Jiyan carinan dikare me bi westîne, me bi lezîne û me bi karên piçûk ve mijul bike. Lêbelê, hînbûniyên piçûk dikarin jiyana rojane pir hêsantir bikin. Li vir 5 serişteyên pratîkî hene ku hûn dikarin di nav rojê de bikar bînin 👇

1️⃣ Qanûna 2 Xulekan: “Niha Bike, Rehet Bibe” 🕒

Heke karek ji 2 deqeyan kêmtir dem bigire, paşve nexe — yekser bike.
Ji ber ku karên biçûk kom dibin û hişê mirov tevlihev dikin.

Wek mînak:

• Bersivdana peyamekê
• Rakirina firaqan
• paqijkirina ser maseyê

Kirina van karên biçûk di cih de stresê kêm dike û hişê we paqij dike.

📌 Karên piçûk di cih de biqedînin → Bila serê we rehet bibe.

2️⃣ Qadên Xuyayî Rast Bikin, Ne Dolaban 🧺

Dema ku piraniya mirovan dixwazin derdora xwe rast bikin, ew yekser dest bi dolaban dikin, lê… Hundirê dolaban nayê dîtin. Tiştên ku bandorê li aramiya we ya rojane dikin, cihên li ber çavin.

Ji van deveran dest bi rast kirinê bikin:

• Maseya xebatê
• Dezgehê metbexê
• Maseya mezela rûniştinê

Paqijkirina van deverên biçûk wê atmosfera giştî ya mala we biguherîne.

📌 Rast kirina ber bi çav→ Rehetbûna zû ya derûnî.

3️⃣ Dema xwarinê , telefonê bikar neênin📵

Di cîhana nûjen de, zehmet e ku mirov bi tevahî xwe ji telefona xwe dûr bigire…
Lê rêbazek heye pir baş dixebite:

🍽 Di dema xwarinê de telefonê bikar neênin.

Ev guherîna biçûk:

• Diyalogê zêde dike
• Empatiyê xurt dike
• Mêjî yê Mirov rehet dike
• Dike ku mirov tehma xwarinê hîs bike.

Ew ne bi qasî detoksa dîjîtal tund e, lê bandora wê pir girîng e.

4️⃣ 5 Xulek Bêdengî: Ji Nû ve Sazkirina Mêjî 🧘‍♂️

Bêyî ku tiştek bê kirin, rûniştina tenê 5 xulekan di rojê de, ji bo tenduristiya mêjî tiştek pir bi bandor e.

Ev bêhnvedana kurt:

• Stresê kêm dike
• Fokusê zêde dike
• Hevsengiya hestyarî xurt dike
• Ji mejî re qadên biryardanê di veke

Tenê 5 xulekan:
❌ Bê ekran
❌ Bê axaftin
❌ Bê muzîk
❌ Bê plansazî

Tenê bisekine.

Bêhnvedanek kurt wê mejiyê we rehet bike.

5️⃣ Teknika “Xala Destpêkê” — Karên Mezin Parçe Bike 🧩

Heke karek ji te re pir mezin û giran were, vê pirsê ji xwe bike:

👉 “Ji bo xilaskirina vî karî gava herî biçûk a ku ez dikarim ji bo dêstpêkê bavêjim çi ye?”

Wek mînak:

• Paqijkirina malê → Tenê cilên şûştî deynin cihê wan
• Nivîsandina gotarekê → Tenê pêşî sernavê binivîse
• Destpêkirina rûtîneke tenduristiyê → Tenê îro hinekî zêdetir avê vexwe
• Werzîşkirin → Biçe 5 deqeyan bimeşe

Hiş karên mezin red dike.
Lê ew ji gavên biçûk re dibêje “erê”.

📌 Pêşveçûn bi riya gavên biçûk lê domdar pêk tê.

🎯 Peyva Dawî

Armancên hevpar ên rêbazên hêsan li jêrin:
✔ Kêmkirina stresê
✔ Bidawîkirina tevliheviyê
✔ Rehetkirina mêjî
✔ Gotina “Ez nikarim dest pê bikim” vediguherîne gotina “Ez dest pê dikim”

Carinan jiyan hewceyî hewldanek zêdetir nake…
✨ Ew rêyek çêtir hewce dixwaze.