Cejna sersalê ya ku li seranserê cîhanê li gor salnameya mîladî di 1ê Çileyê de tê pîrozkirin, ji aliyê kurdan ve di şeva navbera 13 û 14ê Çileyê de li gorî salnameya Julian tê pîrozkirin. Ev kevneşopiya kevnar yek ji mîrateyên çandî ye ku Kurdan di dîrokê de parastiye. Koka vê cejnê ya ku bi hezar salan vedigere, heta Sumerî û Babîliyan, gelên qedîm ên Mezopotamyayê tê dîtin. Serê Salê ji bo Kurdan destpêka sala nû ye û dema yekîtî, pirbûn û nûbûnê ye.

Ev pîrozbahiya kevnar a sersala kurdî bi salnameya rojê ve girêdayî ye. Ev cejn, ku li gorî çerxên rojê tê teşekirin, kevneşopiyek e ku ji serdemên ku Kurd bi xwezayê re dijiyan e. Serê Salê ku di bin bandora salnameya Julyan û Hicrî de çêbûye û jiyana civakên çandiniyê jî nîşan dide. Di vê heyamê de rêzgirtina ji çerxa xweza û rojê re tê gotin û ji bo sala nû ya bi bereket û aştiyane daxwaz tên kirin

Serê Salê çawa tê pîroz kirin?

Di pîrozbahiyên Serê Salê de hinek mêr wek jinan û hinek jin jî cilên mêran li xwe dikin. Zarok cil û bergên Kalikê Sersalê li xwe kiribûn û bi def û zurna digotin “Serê salê binê salê, Xwedê kurekê bide vê malê”. Li dora malan digere û dibêje.

Serê Salê hê jî tê pîroz kirin?
Serê Salê her çiqas di serdema nû de hatiye jibîrkirin jî, ji bo ku ev çanda qedîm a kurdan zindî bimîne her sal zêdetir hewl tê dayîn. Bi taybetî di van salên dawî de ji bo berdewamkirina vê kevneşopiyê li Batman,Amed, Mêrdîn, Sêrt û derdora wan gelek çalakiyên çandî tên lidarxistin. Komeleyên herêmê û gel bi pîrozkirina Serê Salê vê mîrateya dewlemend a çanda Kurdî ji nû ve zindî dikin.

Girîngiya Çandî ya Serê Salê
Serê Salê mîrateyek bêhempa ye ku kurdan ji berê heta niha hilgirtiye. Ev cejn ne tenê cejna Newrozê ye, di heman demê de sembola hevgirtin, yekîtî û pirbûnê ye. Ev kevneşopiya ku rengên çanda kurdan bi dîrok û rêûresmên xwe yên bi hezaran salan re dide nîşandin, têkiliya ku gelan bi xwezayê re û bi hevdû re çêkirîya jî dide kifşkirin.

Serê Salê pirek e ku gelê Kurd ji paşerojê ber bi pêşerojê ve hilgirtiye û rengvedana çanda dewlemend a Mezopotamyayê ye. Ev kevneşopiya kevnar her sal zindî dibe, îradeya Kurdan a ji bo zindî kirina nasname û dîroka xwe nîşan dide.